А.Перуашев: Қазақстан әлемдік қауіпсіздікті қамтамасыз ететін субъектіге айналуда
4 Шілде, 2016 14:32
Қазақстан әлемдік қауіпсіздікті қамтамасыз ететін субъектіге айналуда, деп ҚР Мәжіліс Парламентінің депутаты Азат Перуашев Strategy2050.kz АА берген сұхбатында мәлім етті.
«Қазақстанның БҰҰ ҚК Тұрақты емес мүшесі болып сайлануы – бұл керемет нәтиже. Дүниежүзілік Ұйымның басшылық органы болу, Қазақстанның Тәуелсіздік алған кезден бастап еңбекпен жеткен деңгейін көрсетеді»,-деді А.Перуашев.
Сонымен қатар, депутат сөз барысында, дүниежүзілік абырой Ұлт көшбасшысы арқасында екендігін айтып өтті.
«Бұл қадамның маңыздылығын айтып өтпеу мүмкін емес. Іс жүзінде біз тек қатысушы ғана емеспіз , сонымен қатар барлық халықаралық үдерістің қатысушыларымыз. Біз халықаралық қауіпсіздіктің жаһандық мәселелерін шешуге тікелей қатысуды бастадық. Қазақстан әлемдік қауіпсіздікті қамтамасыз ететін субъектіге айналуда. Бұл жауапкершілігі мол ұстаным»,-деді депутат.
Ботагөз Айтжанова
