Мәжілісмендер Павлодар облысының этномәдени бірлестіктеріне үштілділікті енгізудің жаңа әдістері туралы түсіндірді

Кездесудің басты тақырыбы «100 нақты қадам» Ұлт жоспарын талқылау болды. Владимир Божко өз сөзінде Қазақстан Республикасында үштілділікті енгізудің жаңа әдістері туралы айтып өтті.

«Бәрімізді Қазақстанда үштілділікті енгізу күрделілігі толғандырады». «Жақында біз ҚР білім министрінің баяндамасын тыңдадық. Ол көптеген қызықты нәрселер айтты. Мысалы, тілді Парето принципі негізіне игеру керек. Ғалымдар заманауи адамның басқа тілдегі ақпараттың 60%-ын жеткізу үшін барынша қолданбалы 400 сөзді қолданатынын әлдеқашан дәлелдеген болатын. Ауылдық жерде тұратын адамның тұрмыстық тілді меңгеруі үшін бар-жоғы 400 сөз білуі керек, сонда ол барлық ақпараттың жартысын игере алатын болады. Шет тілдегі ақпараттың 82%-ын игеру үшін мың сөз білу жеткілікті. Ал енді бұл жерде неге біз 25 жылда мың сөз жаттай алмадық деген сауал туындайды. Өйткені бізді үтір-нүктені қоюды, грамматиканы меңгеруді үйретті. Ал егер өткен материалды алғашқы екі сағатта қайталамаса, оқушы төрт сағаттан соң ақпараттың 50%-ын ұмытады, ал төрт күн ішінде жаңағы материалдың тағы 20%-ы ұмытылады. Нәтижесінде, қазіргі тіл үйрету жүйесі толықтай тиімсіз. Бүкіл әлем бойынша дәлелденген – қайталауымыз керек», -  деп атап өтті Владимир Божко.

Мәжіліс депутатының айтуынша, қазіргі уақытта жаңа білім беру бағдарламасы әзіленуде, ол тілдерді игеру әдісін толықтай өзгертпек.

Сонымен қатар, парламент депутаттары білім беру жүйесіндегі және басқа да салалардағы реформалардың іске асырылуын жіті бақылап отыратын болады, деді В.Божко.

«Бұл Елбасының біздің алдымызға қойған басты міндеттердің бірі. Әсіресе, «Бес институционалдық реформа» шеңберінде енгізіліп жатқан міндеттер»,- Қазақстан Республикасы Парламенті Мәжілісі депутаты Владимир Божко.