4 Шілде, 2016 10:36

Отандық компания Қытайға өсімдік майының экспортын биыл 2 есеге арттыруды жоспарлауда

«Масло-Дел» ЖШС ағымдағы жылы Қытайға экспорт көлемін 2015 жылмен салыстырғанда 117%-ға – 4 600-ден 10 000 тоннаға дейін, ақшалай мәнде – 885 млн-нан 2,2 млрд теңгеге дейін арттыруды жоспарлауда, деп хабарлады Қазақстанның даму банкінің баспасөз қызметі.

Қаңтар-мамырда компания ҚХР-на 905 млн теңге сомаға 2 820 тонна, ал 2015 жылдың сәйкес кезеңінде 591 млн теңге сомаға 3300 тонна өсімдік майын жеткізді. Жылдың соңына дейін компания қытай нарығына тағы да 7 200 тонна өнім жеткізуді жоспарлауда.

« «Масло-Дел» ЖШС-нің 2 млрд теңге сомадағы экспорттық операцияларын «Бәйтерек» Холдингінің еншілес компаниясы «Қазақстанның Даму Банкі» АҚ (бұдан әрі – Банк, ҚДБ) «Нұрлы Жол» Бағдарламасы аясындағы өңдеу өнеркәсібіндегі қазақстандық экспорттаушыларды мемлекеттік қолдау мақсатында қаржыландырды. Бұл мақсатта 2014 жылдың соңында-2015 жылдың бірінші тоқсанында Даму банкіне Ұлттық қордан жалпы сомасы 50 млрд теңге болатын (35 млрд және 15 млрд) екі транш бөлінді, олар толық игерілді – «Масло-Дел» экспорттық жеткізілімдерін қоса алғанда 10 экспорттық операция қаржыландырылды», - делінген хабарламада.

Ағымдағы жылы ҚДБ осы мақсатта жалпы 45 млрд теңге сомаға үшінші транш алды: 15 млрд теңге – Ұлттық қордан, 30 млрд теңге – БЖЗҚ облигациялық қарызы түрінде. Қарыз алушылар үшін осы несие ресурстары бойынша ақтық сыйақы мөлшерлемесі жылдық 12,5%-дан аспайды, несиелеу мерзімі – 3 жылға дейін.

«Масло-Дел» өнімдерін экспорттау географиясы, ҚХР-нан бөлек, Литва, Эстония, Латвия және Ресей сияқты елдерден тұрады. Компанияның жалпы айналымындағы экспорттық жеткізулердің үлесі 15%-ды құрайды. Өсімдік майынан бөлек, «Масло-Дел» шетелге күнжара – мал шаруашылығында жем ретінде пайдаланылатын қайта өңделген өнім сатады. Барлығы а. ж. қаңтарынан мамырға дейін күнжараны Еуропа елдеріне жеткізу көлемі 9 700 тоннаны құрады, бұл 2015 жылдың сәйкес кезеңімен салыстырғанда 2200 тоннаға артық. Компанияның жоспарында Еуропа елдеріне (Литва, Эстония, Латвия) және Ресейге күнжара экспортын 2016 жылы 11%-ға - 30 000 тоннаға дейін (2015 жылғы 27 800 тоннадан) арттыру бар.

«Қытай біздің компания үшін зор әлеуетке ие басымдықты аймақ болып табылады. Аспан асты еліне біз 2013 жылдың соңынан бастап өсімдік майын жеткіземіз, ал бұдан әрі тек қана өсімдік майын ғана емес, қойылтылған сүт, кілегей, шоколадты және сары май сияқты сүт өнімдерін жеткізу тоннажын арттыруды жоспарлаудамыз. Алайда әзірге бұл елде аталған өнімдерді әкелуге тыйым салынған. Соған қарамастан, Қытайға сүт жеткізуге құқылы «ерекше-елдер» бар, және біз қазір Қазақстанның сол елдердің тізіміне енуі үшін белсенді жұмыс жасап жатырмыз. Мемлекет, «Бәйтерек» Холдингі тарапынан көрсетілетін қаржылай қолдау қосымша қаржыландыру алуға мүмкіндік береді, бұл өткізу нарықтарын кеңейтуге, біздің компанияны дамыту бойынша басымдықты міндеттерді орындауға және экспорттық қуаттылықтарды арттыруға септігін тигізеді», - деп атап өтті «Масло-Дел» ЖШС бас директоры Павел Селиванов.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды