• Басты
  • Ақмола облысының оқушылары «Мағжан оқулары» республикалық байқауында үздік атанды (ФОТО)

Ақмола облысының оқушылары «Мағжан оқулары» республикалық байқауында үздік атанды (ФОТО)

4 Шілде, 2016 09:51
Республикалық «Мағжан оқулары» Солтүстік Қазақстан облысы Петропавл қаласында өтті. Республиканың әр өңірінен жиналған оқушылар 3 номинация бойынша сайысты, деп хабарлады облыстық ішкі саясат басқармасының жанындағы “Ақмола медиа орталығы”.

Сайыс Мағжан ақынның туған жері Сарытомар  ауылының Мәдениет үйінде өтті.  Ақмола облысы намысын   Ақкөл ауданы қарасты білім ұйымдарының 3 оқушысы қорғады.

«Өлең - менің Шолпаным, Айым. Күнім.» атты 1-номинация мәнерлеп оқудан Ақкөл ауданының Кеңес орта мектебінің 9- сынып оқушысы  Мырзахмет Рана Солтүстік Қазақстан облысының білім басқармасының Алғыс хатымен марапатталды.  

Ал «Толқынды толқын қуады...»  атты 2- номинация  бойынша  Минск орта мектебінің 8- сынып оқушысы  Маулетхан Ақжол «Түркістан  өлеңінің көркемдік ерекшелігі» атты ғылыми жоба қорғап, 1- орын және бағалы сыйлық  бейнекамерамен  марапатталды. Ғылыми жобаны  дайындаудағы  айрықша  еңбегі үшін  Минск орта мектебінің қазақ тілі мен әдебиеті пәнінің мұғалімі  Хадыр Мұратбек Алғыс хатпен марапатталды.  

«Ақын да бір бала ғой, айға ұмтылған...» 3- номинация бойынша   Кеңес орта мектебінің 10- сынып оқушысы Жарқынбек Бағыдат  Бас Жүлдені  иеленіп, облыс әкімінің арнайы сыйлығы ноутбукпен және ерекше ақындығы үшін жекелей  Алғыс хат,   бағалы кітаптармен  марапатталды.

Оқушылардың  жетекшісі аудандық білім бөлімінің әдіскері Ханша Ахтышхан Солтүстік Қазақстан облысының білім басқармасының Алғыс хатымен марапатталды.  

Барлық жаңалықтар