ҚР Президенті мен ҚТЖ басшысы ауқымды инвестициялық жобалардың жүзеге асырылу барысын талқылады
1 Шілде, 2016 18:37
Мемлекет басшысы Нұрсұлтан Назарбаев «Қазақстан темір жолы» ұлттық компаниясы» АҚ президенті Асқар Маминмен кездесу өткізді, деп хабарлайды Ақорданың баспасөз қызметі.
Кездесу барысында компанияның қазіргі қызметінің мәселелері, теміржол саласындағы ауқымды инвестициялық жобалардың жүзеге асырылу барысы, сондай-ақ алдағы кезеңге арналған жоспарлар талқыланды.
Нұрсұлтан Назарбаев елдің экономикалық тұрғыдан дамуы үшін Қазақстанның көліктік-логистикалық инфрақұрылымы мен транзиттік әлеуетін одан әрі ұлғайтудың маңыздылығын айтты.
Кездесу қорытындысы бойынша Мемлекет басшысы бірқатар нақты тапсырма берді.
