• Басты
  • ҚР ҚК Әскери-теңіз күштерінің корабльдері мен экипаждарын дайындау үш кезең бойынша өтуде (ФОТО)

ҚР ҚК Әскери-теңіз күштерінің корабльдері мен экипаждарын дайындау үш кезең бойынша өтуде (ФОТО)

1 Шілде, 2016 20:26
ҚР Қарулы Күштерінің Әскери-теңіз күштерінде Армия халықаралық ойындары-2016 байқауларының бірі «Теңіз биатлонына» дайындық қызу жүруде, деп хабарлады Қорғаныс министрлігінің баспасөз қызметі.

Кезеңдердің әрқайсысындағы дайындық жеке-жеке жүргізілуде. Негізгі назар және күш-жігер оқ ату сапасына бөлінуде. Оның нәтижелері теңіз биатлондағы маңызды рөл атқарады. «Теңіз биатлоны» байқауы  үш кезеңнен тұрады.

Бірінші кезең – 3 эпизодта орындалатын оқ атулар – теңіз нысанасы бойынша оқ ату.  Өткен жылдағы биатлонмен салыстырғанда осы жылы қалқан сүйретілетін болады. Әрі қарай жүзбелі мина және әуе нысанасы бойынша оқ ату жүреді. Барлық үш эпизод бойынша күшейтілген дайындық жүргізілуде. Ол үшін биылғы жылы корабль практикалық оқ атуларды орындау үшін теңізге көбірек шығады. Екінші кезең – бұл жандылыққа күресуді ұйымдастыру.

Бұл кезең де 2 эпизодқа бөлінеді. Жағалық тренажерлық кешенде судың келіп түсуімен жандылыққа күресу. Осы эпизодты орындауға экипаж санынан 5 әскери қызметші іріктелініп алынды. Олармен тұрақтау кезінде және теңіздегі зәкірде құтқару құралдарын қолдана отырып, жаттықтырулар жүргізілуде.

 Теңіз биатлонының үшінші кезеңі – теңіз дағдысы мен құтқару дайындығы. Онда шектеулі жылдамдықпен апатты кеменің сүйретілуі, сондай-ақ, берілген бағдармен корабльдің зәкірге және азық бөшкесіне қойылуы пысықталады. Осы екі эпизодқа дайындалу теңізге әр шыққан сайын жүргізіледі.  ҚР ҚК Әскери-теңіз күштері өткен жылы «Каспий кубогы» байқауына алғаш рет қатысқанын естеріңізге сала кетейік. Конкурс қорытындысы бойынша біздің команда екінші орынды еншілеп, күміс медальдар жиынтығы мен «БЛ-680» жылдам жүретін қайықтың жүлдегері атанды.

 

 

 

Барлық жаңалықтар