Астанада алғаш рет Париж климаттық келісімін жүзеге асыру тетігі талқыланады

1 Шілде, 2016 17:56

2016 жылдың 4 шілдесі күні Астанада Қазақстан Республикасының Премьер-Министрі Кәрім Мәсімовтың төрағалық етуімен ҚР Президенті жанындағы IV «жасыл экономикаға» көшу бойынша Кеңес отрысы болады, деп хабарлады ҚР Энергетика министрлігінің баспасөз қызметі.

Кеңес отырысының тақырыбы 2015 жылы Париж қаласындағы БҰҰ климаттың өзгеруі туралы 21-ші Конференцияның қортындысы бойынша тараптардың қабылданған Париждік климаттық келісімді жүзеге асыру мәселесін қарауға арналады.

Еске сала кетейік, Кеңес ҚР Президентінің Жарлығымен «Қазақстан - 2050» Ұзақмерзімді Стратегиясын жүзеге асыру мақсатында және 2013 жылы «жасыл» экономикаға көшу бойынша Тұжырымдаманы іске асыру үшін құрылған.

Мемлекеттік органдардың, ұлттық компаниялардың, ғылыми-зерттеу ұйымдары мен Үкіметтік емес ұйым басшылары Кеңестің мүшелері болып табылады. Кеңес Қазақстанның «жасыл» экономиканы тұрақты дамыту бағытына басымдық беру бойынша ұйымдар үшін бірегей сектораралық диалог алаңын ұсына алады.

1.07.2016 жыл жағдайы бойынша – 177 ел Париж келісіміне қол қойған. 18 ел БҰҰ Депозитариін ратификациялау туралы құжаттарын ұсынған. Өз кезегінде Қазақстан Париж келісіміне қол қою рәсімін аяқтап, Кеңес асяында оны жүзеге асырудың тетіктерін талқыламақ.

Барлық жаңалықтар