Президент БҚО-да жоғары сапалы Еуро-5 бензинін өндіретін зауытты іске қосты
1 Шілде, 2016 13:31
Бүгін Мемлекет басшысы Нұрсұлтан Назарбаев индустрияландыру жұмыстарының бірінші жартыжылдықтағы қорытындысына арналған жалпыұлттық телекөпір барысында Батыс Қазақстан облысы, Ақсай қаласындағы «Конденсат» АҚ мотор майлары өндірісін іске қосты.
«БҚО Ақсай қаласындағы экокласты К5 мотор майларын өндіретін кәсіпорын (АҚШ және Францияның алдыңғы қатарлы құрал-жабдықтары мен технологиясы негізінде жоғары стандартты май). Жобаны «Конденсат» АҚ Қазақстанның даму банкінің қолдауымен жүзеге асырды», - деді кәсіпорын директоры.
Онығң айтуынша, кәсіпорын 200 мың тоннадан астам жоғары сапалы май өндіреді. Нәтижесінде аймақ май импортын азайтады. Кәсіпорын 400 адамды жұмыс орнымен қамтамасыз етеді.
Н. Назарбаев өз кезегінде кәсіпорынның маңызы мен өзектілігін айтып өтті.
«Өте маңызды әрі қажет кәсіпорын. Бұл конденсат зауытының іске қосылған уақытынан бастап білемін, біз біріге жасаған болатынбыз, қазір ол дамып, ел үшін маңызды өнімді өндіріп отыр», - деді Елбасы.
