ҚР ИДМ: 2016 жылдың үш айында өнеркәсіп өнімінің 20%-ы индустрияландыру жобаларын қамтамасыз етті
1 Шілде, 2016 12:14
2016 жылдың бірінші тоқсанының қорытындысы бойынша өнеркәсіп өнімінің 20%-ы индустрияландыру жобаларын жүзеге асыруда дөп келді, деп ҚР инвестициялар және даму министрі Жеңіс Қасымбек Елбасының қатысуымен өткен 2016 жылдың бірінші жартысындағы индустрияландыру бағдарламасының қорытындысына арналған отырыста мәлім етті.
«Соңғы алты жылда Қазақстан екі негізгі қосалқы фактор бойынша Жаһандық бәсекеге қабілетті индексінде өз позициясын айтарлықтай жақсартты, кеңейтті және ол елдің инновациялылығын сипаттайды. Бірінші, технологиялық дайындық бойынша біз 21 позицияға көтерілдік, ал инновациялық потенциал бойынша- 29-шы позицияға көтерілді»,-деді Ж.Қасымбек.
Министрдің айтуы бойынша, бірінші бесжылдықтың жылдарында индустрияландыру бағдарламаларының жобалары барлық өнеркәсіп өнімінің 10 пайызын берді, ал өткен жылы шамамен 14 пайызды.
«Ағымдағы жылдың бірінші тоқсанының қорытындысы бойынша өнеркәсіп өнімінің 20%-ы индустрияландыру жобаларын жүзеге асыруда дөп келді. Алты жыл ішінде шамамен 200 мың жұмыс орындары құрылды»,-деді ведомство басшысы.
Ботагөз Айтжанова
