Н.Назарбаев Астанадағы телекөпір барысында индустрияландырудың негізгі жобаларын іске қосады

1 Шілде, 2016 10:26

Бүгін Астанада Елбасы Нұрсұлтан Назарбаевтың қатысуымен 2016 жылдың бірінші жартысындағы индустрияландыру қорытындысы туралы кеңес өтеді. Шарада Индустрияландыру бағдарламасының қорытындысы шығарылып, бағдарламаның жаңа әдістері мен индустрияландырудың негізгі жобалары іске қосылады.

Телекөпір режимінде Индустриалды - инновациялық даму бағдарламасының 8 жаңа өндіріс іске қосылады.

1.Теміржол білігі мен жұп дөңгелек шығаратын зауыт (Павлодар облысы).

Зауыт жылына 20 мыңға дейін жұп дөңгелек және 42 мың теміржол білігін шығаруды жоспарлап отыр.

2. «GreenhouseKZ» ЖШС – голландтық раушандар өсіретін жылыжай кешені (Павлодар облысы).

Жылына 10 млн дана раушан өсіру жоспарлануда. 70 адам жұмыспен қамтылады.

3. «ЭФКО Алматы» ЖШС май өнімдерін шығару кешені.

Кәсіпорынның жобалық қуаттылығы – жылына 120 тонна өнім. Мұнда 750 адам тұрақты жұмысқа орналаспақ.

4. «Ipek Kagit Central Asia» ЖШС.

Астанада санитарлы-гигиеналық және тұрмысқа қажет қағаз өнімдерін өндіру зауыты жылына 16400 тонна өнім шығарады. Кәсіпорында 53 адам жұмыспен қамтылады.

5.«Петропавл трактор зауыты» ЖШС.

«К-704-4р Батыр» отандық тракторларды өндіру зауытының қуаттылығы – жылына 100 дана техника. 48 жұмыс орнын ашу жоспарланған.

6. «Lotus Food Company LLC» ЖШС.

ОҚО Қазығұрт ауданы Майлыошақ ауылындағы жылдам пісетін тағам өндіру зауыты 48 адамды жұмысқа орналастырды.

7. «Kazakhstan Pipe Traders» ЖШС (мұнай құбырларын өндіру зауыты). Маңғыстау облысы.

8. «Конденсат» АҚ (мотор майлары өндірісі). Батыс Қазақстан облысы Ақсай қаласы.

Кәсіпорын 400 адамды жұмыспен қамтиды.

Инвестициялар және даму министрлігінің баспасөз қызметі хабарлағандай, индустрияландыру шеңберінде 175 млрд теңге болатын 30 жоба пайдалануға беріледі, шамамен 4 мың жұмыс орны ашылады.

Айта кетейік, шарада индустрияландыру бағдарламасы арқылы пайда болған отандық өнімдердің көрмесі өтеді.

Ботагөз Айтжанова