Ақмола облысында балаларды сауықтыру орталығы ашылды

1 Шілде, 2016 11:36

Ақмола облысы Сандықтау ауданының Приозерное ауылында «Достық» балалар емдеу-сауықтыру орталығы ашылып, ең алғашқы 50 демалушы қабылданды, деп хабарлады облыс әкімдігінің баспасөз қызметі.

Жиналған ауыл тұрғындары мен демалушыларды құттықтаған Сандықтау ауданының әкiмi А. Исмағанбетов жалпы орталық ашу идеясы Ақмола облысының әкiмi С. Кулагинге тиесiлi екенiн ерекше атап өттi «Балалар үшiн осы жобаның жүзеге асырылғаны үшiн алғыс айтамын. Балалар келесi оқу жылына дейiн дем алып, күш жинайтынына сенiмдiмiн», дедi аудан әкiмi.

«Жалпы бұл орталықтың ашылуына 9 млн. теңге қаражат жұмсалған. Оның бiршамасы жергiлiктi бюджет қорынан бөлiнсе, басым бөлiгi демеушiлiк көмек арқылы жиналыпты», - делінген хабарламада.

Лагерь «Якши-Янгизтау» көлiнiң жағалауында орналасқан. Бұл жерде бiр мезетте 50 бала дем ала алса, жазғы уақытта 300-ден астам бала қабылданатын болады.

Демалушылардың денi — әлеуметтiк осал отбасылардан шыққандар, жетiм, ата-анасының қамқорынсыз қалған, арнайы тiркеуде тұрған балалар және үздiк оқушылар.

Барлық жаңалықтар