БҰҰ ҚК жұмысына қатысу Қазақстан үшін жаһандық бастамаларды қозғауға мүмкіндік береді – «Бірлік» партиясы
1 Шілде, 2016 11:53
«Бірлік» саяси партиясы Қазақстан Президенті мен барлық қазақстандықтарды тарихи оқиғамен – республикамыздың 2017 -2018 жылдарға БҰҰ Қауіпсіздік кеңесінің тұрақты емес мүшелігіне сайлануымен құттықтады.
Бұл қуанышты оқиға Қазақстан Тәуелсіздігінің 25 жылдығымен қатар келді.
Қазақстан Орталық Азия елдері ішіндегі БҰҰ маңызды саяси органының құрамына тұңғыш рет сайланған мемелекет болды.
1992 жылдан бері Қазақстан тұрақты түрде бейбітсүйгіштік саясатты ұстанып, шиеленістерге жол бермеу мен өркениетті диалог құруды жүргізіп келеді. Біздің елдің осынай еңбектері еленіп беделді ұйымға мүше болды.
Қазақстан жас мемлекет болса да, өзінің бірегей бастамаларымен әлемді мойындатты.
Мемлекет басшысының бастамасымен алғаш рет қазақ жерінде әлемдік дәстүрлі дін лидерлерінің Съезі өткізіліп, бірегей институт – Қазақстан халқы Ассамблеясы құрылды.
БҰҰ Қауіпсіздік Кеңесі аясында біздің елдің мемлекеттік басым саясаты әлемдік деңгейде жүзеге асатынына сенеміз.
