• Басты
  • Еуропалық одағымен визалық режимді жеңілдету мәселесінде Румыния Қазақстанды қолдайды
30 Маусым, 2016 19:26

Еуропалық одағымен визалық режимді жеңілдету мәселесінде Румыния Қазақстанды қолдайды

Бухарест қаласында Қазақстан мен Румынияның сыртқы істер министрліктерінің арасында консулдық мәселелер жөнінде консультациялар өтті. Келіссөздердің басты тақырыбы Қазақстан Республикасы және Еуропалық одақ арасындағы визалық режимді жеңілдету болды, деп хабарлады Сыртқы істер министрлігінің баспасөз қызметі.
Еуропалық одағымен визалық режимді жеңілдету мәселесінде Румыния Қазақстанды қолдайды

Қазақстандық делегацияны СІМ Консулдық қызмет департаментінің директоры Ардақ Мәдиев, ал румындық – СІМ Консулдық департаментінің бас директоры Михай Богдан Стэнеску басқарды.

Консультациялар қатысушылары екіжақты консулдық мәселелерін талқылады және екі елдің консулдық қызметтерінің бағыты бойынша ынтымақтастықты дамыту жөнінде пікір алмасты. Румын тарапы қазақстандық делегацияны Консулдық кадрларды дайындау орталығының жұмысымен таныстырды.

Румынияның СІМ өкілдері елдің Консулдық қызметімен азаматтарға консулдық қызметтерді көрсетуде пайдаланатын ақпараттық технологияларды іс жүзінде қолданудың тұсаукесерін өткізді.

Кездесу барысында румын тарапы Қазақстанда Еуропалық одақ елдері үшін визалық режимді жеңілдету жөніндегі жүргізілетін жұмыспен, сондай-ақ қолданылатын кедендік және көші-қон бақылау жүйесімен таныстырылды.

Сол күні қазақстандық делегация Румынияның Сыртқы істер министрлігінің мемлекеттік хатшысы Дэнуц Никулэескумен кездесу өткізді. Кездесу барысында Қазақстан мен Румыния арасындағы консулдық саласындағы ынтымақтастықтың дамуы, өңірлік және басқа да мәселелері талқыланды. Румындық дипломат консулдық саласындағы ынтымақтастықты кеңейтудің жоғары әлеуетінің болуын және консулдық мәселелер жөніндегі мекемеаралық консультациялар жүргізу маңыздылығын атап өтті.

Іс-шара нәтижесінде Еуропалық одақпен визалық режимді жеңілдету жөніндегі келіссөздерге мандатты Қазақстанмен алуына Румынияның ресми қолдауы жөніндегі уағдаластыққа қол жеткізілді.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды