ҚР Қарулы Күштерінде жазғы оқыту кезеңі басталады (ФОТО)

30 Маусым, 2016 20:41

1 шілдеде Қазақстан Республикасының Қарулы Күштерінде жауынгерлік оқудың ең қарқынды әрі жауапты кезеңі – жазғы оқыту кезеңі басталады, деп хабарлады Қорғаныс министрлігінің баспасөз қызметі.

Әскери бөлімдерде әскери қызметшілердің кәсіби даярлығы бойынша сабақтар басталады. Бүгіннен бастап Қарулы Күштер бойынша әскери қызметшілердің қауіпсіздік шараларын зерделеуі басталды.

Ол сабақтар түрінде өтеді, сондай-ақ қауіпсіздік талаптары бойынша олардың теориялық және практикалық білімдері тексеріледі. Әскери бөлімдерде әскери қызметшілерді қауіпсіздік талаптары бойынша оқытып-үйрету атқарып отырған әскери лауазымдары, біліктілік талаптары, атқарылатын міндеттердің, жағдайлардың ерекшелігі ескеріле отырып, құрылады.

Бұл ретте оқыту бағдарламалары, оқу жоспарлары мен жауынгерлік даярлық жоспарларына сәйкес қару-жарақ пен әскери техниканы пайдалану ерекшеліктеріне назар аударылады. Жауынгерлік даярлық бойынша сабақтарда әрбір пәнді зерделеу кезінде әскери қызметшілерге қауіпсіздік талаптары жеткізіліп, сабақ барысында олардың меңгеруі мен орындауы қамтамасыз етіледі.

Барлық жаңалықтар