Н.Нығматулин: VI шақырылымның бірінші сессия депутаттары 7 заң жобасына бастамашылық етті
30 Маусым, 2016 10:31
Астанада Мәжіліс Спикері Н.Нығматулиннің төрағалығымен Парламент палаталарының бірлескен отырысы өтіп жатыр.
«Бүгін біз Парламенттің VI шақырылымының бірінші сессиясын аяқтаймыз. Бірінші сессияда палаталардың бірлескен 3 отырысы өткізілді, Мәжіліс 12 жалпы отырыс өткізсе, Сенат 6 жалпы отырысты тәмамдады. Сондай-ақ, 170 тұрақты комитет отырысы мен екі палатаның жұмыс тобы заң жобалары бойынша 186 отырыс өткізді», - деді Н.Нығматулин.
Оның айтуынша, Парламентті назарына жалпы 42 заң жобасы ұсынылған, оның 18-і өткен шақырылымнан ауысқан құжаттар болса, 24 заң жобасы осы сессия жұмысы барысында түскен.
«Сондай ақ, депутаттардың өздері 7 заң жобасының жасалуына бастамашыл болған. Мәжіліс сессиясының барысында 13 заң жобасы мақұлданып, Сенатқа жіберілген. Жалпы Парламент 12 заң қабылдаған», - деді Н.Нығматулин.
Анар Тәңірқұлова
