ҚР мен ЕҚЫҰ ынтымақтастық пен дамудың жаңа формуласын жүзеге асыру бойынша бірлескен іс-қимылдарды күшейтуге ниетті

29 Маусым, 2016 18:51

Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінің төрағасы Мәулен Әшімбаев ЕҚЫҰ бағдарламасының Астанадағы Кеңсесінің Басшысы Елші Дьерд Сабомен кездесті.

Мейманды жаңа орынға тағайындалуымен құттықтаған депутат, өз кезегінде Елшінің Қазақстанның Біріккен Ұлттар Ұйымының Қауіпсіздік Кеңесінің тұрақты емес мүшесі ретінде сайлануымен құттықтауына алғыс білдірді. Елші бұл оқиғаны Қазақстанның беделінің және жеке Елбасы Н.Ә.Назарбаевтың еңбегінің нәтижесі деп баға берді.

Мәжілістің Комитет төрағасы Қазақстан ЕҚЫҰ бағдарламасының Кеңсесі – ЕҚЫҰ жаңа көшпелі форматының 2015 жылдың 15 қаңтарынан жүзеге асырылатынына баса назар аударды.

Сонымен қатар кездесуде демократиялық процесстердің келешекте даму мәселелері, атап айтқанда, Қазақстан Республикасының «Ақпаратқа қол жетімділік туралы» Заңын жүзеге асыру шеңберінде өткізілетін оқу семинарларының жайы талқыланды.

Парламенттік өлшемдер туралы айта келе, тараптар жаңа формуланы жүзеге асыруда ынтымақтастық көкжиегінің кеңейе түсуі қажеттігін айтты.