• Басты
  • Қазақстан екі жылда логистика тиімділігінің индексі бойынша 11 сатыға жоғарылады – ИДМ
29 Маусым, 2016 11:14

Қазақстан екі жылда логистика тиімділігінің индексі бойынша 11 сатыға жоғарылады – ИДМ

Қазақстан екі жылда логистика тиімділігінің индексі бойынша 11 сатыға жоғарылады, деп хабарлады Инвестициялар және даму министрлігінің баспасөз қызметі.
Қазақстан екі жылда логистика тиімділігінің индексі бойынша 11 сатыға жоғарылады – ИДМ

2016 жылы Қазақстан Логистика тиімділігінің индексі бойынша әлемнің 160 елінің арасында 77 орынға ие болды, 2014 жылмен салыстырғанда Ресей (99), Украина (80), Өзбекістан (118), Беларусь (120), Қырғызстан (146) сияқты ТМД елдерін, сондай-ақ Иран (96) мен Грузия (130) елдерін озып 11 сатыға жоғарылады.

Логистика тиімділігінің индексі - LPI (Logistics Performance Index) – тауарды жеткізуді жүзеге асырылуының жеңілдігін және ұлттық және халықаралық деңгейде сауда логистикасын қарастыратын Дүниежүзілік банкінің индексі. Көрсеткіш халықаралық саудада жеткізу тізбегінің тиімді жұмысын әр 2 жыл сайын бағалайды (2007, 2010, 2012, 2014 және 2016).

Индекс келесі алты факторды қамтиды:

1) кеденнің тиімділігі;

2) инфрақұрылымның сапасы;

3) халықаралық тасымалдарды ұйымдастырудың жеңілдігі;

4) логистикадағы құзыреттілік;

5) жүктерді бақылаудың мүмкіндігі;

6) жеткізу мерзімінің сақталуы.

Соңғы екі жылда Қазақстанның позициясы инфрақұрылымның сапасы (41 сатыға), кеденнің тиімділігі (35 сатыға), халықаралық тасымалдарды ұйымдастырудың жеңілдігі (18 сатыға) және жүкті бақылау мүмкіндігі (10 сатыға) бойынша жоғарылады. Басқа екі көрсеткіштер бойынша кішігірім төмендеу байқалуда.

Осыған дейін логистика саласындағы халықаралық сарапшылардың ұсыныстарының негізінде Инвестициялар және даму министрлігі мен «Kazlogistics» Қазақстанның көлікшілер одағының арасында Логистика тиімділігінің индексі бағалау көрсеткіштері бойынша Қазақстан Республикасының логистикалық жүйесін жетілдіру бойынша іс-шаралар жоспарына қол қойылды. Логистика тиімділігін жақсартуға бірнеше факторлар әсерін тигізді, оның ішінде көлік саласындағы ірі инфрақұрылымдық жобаларды іске асыру, шекарадан өту уақытының қысқартылуы, сыртқы экономикалық қызметті жүзеге асыру кезіндегі құжаттардың қысқартылуы, барлық көлік түріндегі және көлік логистикасы саласындағы жеке кәсіпкерліқ субъектілерімен көрсетілетін қызметтердің жақсаруы.

Логистика тиімділігінің индексінің көшбасшылары болып Германия, Люксембург, Швеция, Нидерланды және Сингапур қала береді.

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды