Премьер-Министр Қарағанды әуежайының жұмысымен танысты
27 Маусым, 2016 12:37
Мемлекет басшысының тапсырмасымен Қазақстанның Премьер-Министрі Кәрім Мәсімов Қарағанды облысында жұмыс сапарымен жүр.
Қарағанды әуежайына келген соң К.Мәсімов әуе айлағының жұмысымен танысып, көліктік инфрақұрылым нысандарындағы қауіпсіздікті ұйымдастыру бойынша шаралар туралы мәліметті тыңдады, деп хабарлады pm.kz.
Премьер-Министр ең алдымен халықаралық қону залын тамашалады, залда кедендік және шекаралық бақылау бар, ол әуевокзал кешенінің күту залына барды. Кәрім Мәсімовке әуежай мен қала автовокзалының қауіпсіздігі таныстырылды.
Айта кетерлігі, Қарағанды әуевокзалының сыйымдылығы жылына 963, 6 мың жолаушы, оның 51 пайызы халықаралы, 49 пайызы ішкі рейстерде жүзеге асады.
