Премьер-Министрге Достық кентінің дәрігерлері өз жұмыстары туралы әңгімелеп берді
25 Маусым, 2016 14:56
Алматы облысына жұмыс сапары барысында Кәрім Мәсімов Достық кентінің ауруханасына барып, жергілікті дәрігерлермен жүздесті, деп хабарлады Премьер-Министрдің баспасөз қызметі.
Достық кентінің ауруханасының жұмысы туралы Премьер-министрге аудандық аурухананың бас дәрігері айтып берді. Кәрім Мәсімов медициналық кабинеттердi көріп, аурухананың заманауи жабдықтармен жабдықталуын тексерді.
Ауруханада 50 төсек-орын бар, 14 - бір орындық палата, 23 – екі орындық және 13 – төрт орындық палата, физиотерапия, педиатрия, терапия кабинеттері қарастырылған. Емдеу мекемесінде 110 адам жұмыс істейді.
Аурухана су, жылу жүйелерімен жабдықталған.
