ҚР-да 2016 жылдың 5 айында 3 млрд теңгенің 23 нысаны жекешелендірді – ҰЭМ

Кешенді жоспарды жекешелендіруге жататын және бәсекелес ортаға берілетін 783 ұйымнан тұратын тізім айқындалды.

«2016 жылдың қаңтар-мамыры кезеңінде 3 млрд теңгеден астам сомаға 23 объект жекешелендірілді», - деп хабарлады Министр.

 Сонымен қатар, кешенді жоспар шеңберінде «Самұрық - Қазына» қорының 7 компаниясы 2020 жылға дейін IPO-ға шығарылатын болады. «Бұл Қазақстан темір жолы», ҚазМұнайГаз, ҚазАтомӨнеркәсіп, Самұрық-Энерго, Тау-Кен Самұрық, Қазпошта және Эйр Астана»,- деп нақтылап өтті Бишімбаев.

Бүгінгі таңда дайындық жұмыстары жүргізілуде, активтерді сатуға шығаруға одан әрі дайындау үшін тәуелсіз кеңесшілер тартылуда.

Министрдің айтуынша, тұрақты түрде Қазақстан Премьер-Министрінің төрағалығымен экономиканы жаңғырту мәселелері жөнінде мемлекеттік комиссияның отырыстарында баланстық құны 5 млрд теңгеден астам ірі компанияларды, сондай-ақ, «Самұрық-Қазына» қорының активтерін сату мәселелері қаралады.

Қазірдің өзінде «Самұрық-Қазына» қорының шаруашылық қызметті жүзеге асырмайтын немесе бизнесті одан әрі дамыту перспективасы жоқ 59 еншілес және тәуелді ұйымдарды жабу туралы ұсыныстары мақұлданды, тағы 12-сі трансформациялау бағдарламасы шеңберінде құрылысын оңтайландыру мақсатында қайта ұйымдастырылатын болады. 

Индира Кауметова