• Басты
  • Г.Әбдіқалықова Әдебиет пен өнер саласындағы ҚР мемлекеттік сыйлығын беру жөніндегі комиссия отырысын өткізді
24 Маусым, 2016 15:19

Г.Әбдіқалықова Әдебиет пен өнер саласындағы ҚР мемлекеттік сыйлығын беру жөніндегі комиссия отырысын өткізді

Қазақстан Республикасының Мемлекеттік хатшысы Гүлшара Әбдіқалықованың төрағалығымен Әдебиет пен өнер саласындағы Қазақстан Республикасының мемлекеттік сыйлығын беру жөніндегі комиссияның отырысы өтті, деп хабарлады Ақорданың баспасөз қызметі.
Г.Әбдіқалықова Әдебиет пен өнер саласындағы ҚР  мемлекеттік сыйлығын беру жөніндегі комиссия  отырысын өткізді

Отырыста 2016 жылғы Әдебиет пен өнер саласындағы Қазақстан Республикасының мемлекеттік сыйлығын алу үшін ұсынылған жұмыстар, сондай-ақ олардың тіркелуі, қаралуы және қойылған талаптарға лайықтылығы тұрғысынан алғашқы сараптамадан өтуі туралы  ақпарат тыңдалды.

Комиссия отырысын ашқан Г.Әбдіқалықова Мемлекет басшысының «Қазақстан-2050» стратегиясында мәдени кодты сақтаудың маңыздылығын  ерекше аталып өткеніне тоқталды. Тілді, руханиятты, дәстүрді және ұлттық құндылықтарды дамыту қоғам мен мемлекет алдында тұрған басымдығы бар міндеттердің бірі екені және оларды орындау ісінде әдебиет пен өнер қайраткерлерінің миссиясы айрықша екендігі айтылды. Осы орайда Мемлекеттік хатшы еліміздің мәдени мұрасын молайтуға үлес қосқан авторларды бағалау және оларға мемлекеттік қолдау көрсетуге бағытталған жұмыстың маңыздылығына, соған орай комиссия мүшелеріне ерекше жауапкершілік жүктелетініне тоқталып өтті.

Еңбектерді талқылау және жасырын дауыс беру үдерісі  3 секция – Әдебиет, Музыка, театр және кино, Бейнелеу өнері және сәулет секциялары бойынша қаралды. Секцияларда жалғасқан талқылаулардың, жасырын дауыс берулердің, одан кейінгі жалпы отырыстың қорытындысы бойынша байқаудың келесі кезеңіне жіберілетін шығармаларға қатысты шешім қабылданып, үміткерлердің тізімі бекітілді.

Хаттамалық шешімге сәйкес, сыйлыққа ұсынылған авторлар мен шығармалар туралы ақпарат қоғамда, жұртшылық арасында ашық талқылану үшін «Егемен Қазақстан» және «Казахстанская правда» газеттерінде жарияланатын болады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды