• Басты
  • Германиядағы үкіметаралық топ жұмысында сауда-экономикалық ынтымақтастық мәселелері талқыланды
24 Маусым, 2016 19:52

Германиядағы үкіметаралық топ жұмысында сауда-экономикалық ынтымақтастық мәселелері талқыланды

Мекленбург-Алдыңғы Померания федералдық жерінің астанасы Шверин қаласында Германияның Экономика және энергетика министрлігі, Қазақстанның Елшілігінің ұйымдастырушылық қолдауымен Қазақстан-герман сауда-экономикалық ынтымақтастық жөніндегі Үкіметаралық жұмыс тобының 10-шы отырысы өтті, деп хабарлады Сыртқы істер министрлігінің баспасөз қызметі.
Германиядағы үкіметаралық  топ жұмысында сауда-экономикалық ынтымақтастық мәселелері талқыланды

Қазақстан делегациясын ҚР Үкіметаралық жұмыс тобының тең төрағасы, Индустрия және жаңа технологиялар бірінші вице-министрі Альберт Рау, герман делегациясын Германияның экономика және энергетика Федералдық министрінің орынбасары, Үкіметаралық жұмыс тобының тең төрағасы Экхард Франц басқарды. Іс-шараға ГФР-ғы ҚР Елшісі Болат Нүсіпов және Бундестаг депутаты Карин Штренц, Мекленбург-Алдыңғы Померания әкімшілігінің және Шверин Сауда-өнеркәсіп палатасының басшылығы, сондай-ақ екі елдің салалық министрліктердің, ведомстволардың және экономикалық саладағы мекемелерден келген 50-ден астам өкілдер қатысты.

Отырыс барысында қатысушылар сауда-экономикалық ынтымақтастық, қаржы ынтымақтастық, инновация және инвестициялар, көлік және жүк тасымалдау, энергетика және шикізат, жаңартылған энергия көздерін дамыту, қоршаған ортаны қорғау, ауылшаруашылық, ғылым және білім, сонымен қатар Қазақстанда германдық жоба үлгісіндегі дуалдық білім жүйесін  енгізіп, «Назарбаев-Меркель» бастамасын іске асыру, мәдениет, туризм, денсаулық, статистика, өңіраралық ынтымақтастық орнату, сонымен бірге құқықтық-келісім негізін дамыту мәселелерін кең көлемде талқылады.

Қазақстандық-германдық үкіметаралық келісімін,  қазақстандық-германдық Іскерлік кеңесінің стратегиялық ынтымақтастығына енген басымдылық – шикізаттық, өнеркәсіптік, технологиялық салалардағы әріптестікті дамыту, екіжақты серпінді жобаларды іске асыру сияқты сұрақтарына, сонымен қатар Астана қаласында өтетін халықаралық мамандандырылған «ЭКСПО-2017» көрмесіне Германияның қатысуына ерекше көңіл бөлінді. Ағымдағы жылы екі ел арасында қол қоюға дайын ірі инвестициялық келісімдердің тізімі келесілді және бекітілді.

Сапар барысында қазақстандық делегация Росток қаласының сауда кемежайына барып қайтты және Қазақстанда жұмыс жасауға қызығушылық білдірген бірқатар компаниялардың басшыларымен келіссөздер өткізді. 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды