• Басты
  • «Даму» қоры мен Алматы әкімдігі ШОБ пен астық саласын дамытуға 1 млрд теңге бөледі
25 Маусым, 2016 10:02

«Даму» қоры мен Алматы әкімдігі ШОБ пен астық саласын дамытуға 1 млрд теңге бөледі

Мұндай меморандумға «Даму» Қоры Басқарма төрағасы мен Алматы қаласы әкімі қол қойды. Құжат бойынша «Даму» Қоры мен Алматы қаласының әкімшілігі «Даму Өнім» бағдарламасы бойынша тамақ өнеркәсібі саласында жұмыс істейтін шағын және орта кәсіпкерлікке паритетті негізде 1 млрд теңге бөледі, деп хабарлады Қордың баспасөз қызметі.
«Даму» қоры мен Алматы әкімдігі ШОБ пен астық саласын дамытуға 1 млрд теңге бөледі

Қаражат екінші деңгейлі банктер арқылы беріледі. Несие айналымдағы қаражатты толықтыру мен құрал-жабдықтарды жаңғырту, жаңасын алуға деп бөлініп отыр.

Жылдық сыйақы мөлшерлемесі 8,5%. Қарыз 100 млн теңгеге дейін беріледі. Құрал-жабдықтарды жаңғыртып, жаңасын алу үшін 84 айға дейін, айналымдағы қаражатты толықтыру үшін 36 айға дейін мерзім көрсетілген. Негізгі қарызды жабуға 18 айға дейін жеңілдік ұсынылады. Аталған бағдарламаға сәйкес, несие алған кәсіпкерлер кепілге қоятын мүлкі жеткіліксіз болған жағдайда «Даму» қорының кепілдемесін пайдалана алады.

«Алматы қалалық әкімшілігімен арадағы бұл келісім шаһардың азық-түлік белдеуі, азық-түлік қауіпсіздігін құруда өте маңызды. «Даму» Қоры бұл бастаманы қолдайды. Мұндай әріптестік тауар өндірушілер үшін өнімін өткізуге, ал қала халқы үшін қол жетімді, сапалы, экологиялық таза тағам сатып алуға мүмкіндік береді. Сонымен қатар, жылдық үстемақысы 8,5% болатын арзан несие қалада шағын және орта кәсіпкерлік нысандарының көбеюі мен олардың шығаратын өнім көлемін арттыруға да септігін тигізеді. Бұл – қала қазынасына қаржы түсіріп, жұмыс орындарының сақталып, жаңасының ашылуына алып келеді»,-деді «Даму» Қорының басқарма төрағасы Қаныш Тулеушин.

Анықтама үшін: 2015 жылы «Даму» Қоры мен Алматы қалалық әкімшілігі сауда, қызмет көрсету және қоғамдық тамақтану саласында жұмыс істеп жатқан кәсіпкерлерге арналған «Жібек жолы» бағдарламасы үшін 4 млрд теңгенің меморандумына қол қойған болатын. Соның арқасында 77 жоба қаржыландырылып, 376 жұмыс орны сақталып, шамамен 350 жаңа жұмыс орындары ашылған. Бағдарламаға екінші деңгейлі 7 банк қатысты. Кәсіпкерлердің өтінішімен 2016 жылы бағдарлама жалғастырылды.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды