Нұрлан Нығматулин Парламент Мәжілісінің төрағасы болып тағайындалды

«Нұрлан Нығматулин ҚР Президентi Әкiмшiлiгi жетекшiсi қызметiнен босатылып, оған Мәжiлiс депутаты мандаты берiлген едi. Кейiн Президент Нұрсұлтан Назарбаев Мәжiлiстегi «Нұр Отан» фракциясының отырысында Нығматулиннiң кандидатурасын Мәжiлiс төрағалығына ұсынды. Ол Қарағанды облысының әкімі, «Нұр Отан» партиясының бірінші орынбасары, Мәжілістің бесінші шақырылымының төрағасы мен  Президент Әкімшілігін басқарған болатын. Үміткерді қолдауға шақырамын», - деі Парламент Мәжілісінің депутаты Қуаныш Сұлтанов.

Нұрлан Нығматулиндi Парламенттiң төменгi палатасының төрағасы қызметiне лайық деп тауып, оның кандидатурасын бiрауыздан қолдады. 102 депутат Мәжiлiс спикерiн жасырын дауыс беру арқылы сайлады.

Айта кетейік, Мемлекет басшысының Жарлығымен Нұрлан Зайроллаұлы Нығматулин басқа жұмысқа ауысуына байланысты Қазақстан Республикасы Президенті Әкімшілігінің Басшысы қызметінен босатылған болатын.

Ботагөз Айтжанова