• Басты
  • Мемлекет басшысы «Қазақстан темір жолы» ұлттық компаниясы» АҚ президентін қабылдады
26 Қараша, 2013 17:08

Мемлекет басшысы «Қазақстан темір жолы» ұлттық компаниясы» АҚ президентін қабылдады

Мемлекет басшысы Нұрсұлтан Назарбаев «Қазақстан темір жолы» ұлттық компаниясы» АҚ президенті Асқар Маминді қабылдады,деп Ақорданың баспасөз қызметі хабарлады.
Мемлекет басшысы «Қазақстан темір жолы» ұлттық компаниясы» АҚ президентін қабылдады

«А.Мамин компанияның 2016 жылға қарай Қазақстанның өңірлік көлік-логистика хабы ретінде қалыптасуына бағытталған қызметі жөнінде хабардар етті», - делінген хабарламада.

Мемлекет басшысы 2014 жылы пайдалануға беру жоспарланған Жезқазған – Бейнеу және Арқалық – Шұбаркөл  жаңа теміржол желілерін іске қосудың маңыздылығын атап өтті. Олар Шығыс – Батыс және Солтүстік – Оңтүстік бағыттарындағы халықаралық көлік дәліздерін үйлестіруді оңтайландырып, Достық – Ақтау бағытындағы арақашықтықты 748 шақырымға қысқартуға тиіс.    

«ҚТЖ» ҰК» АҚ басшысы «Қазақстан – жаңа Жібек жолы» ауқымды бағдарламасын іске асыру туралы айтты, оның аясында транзит әлеуетін арттыруға, ішкі және шетелдік көлік-логистика жүйесін қалыптастыруға бағытталған ірі инфрақұрылымдық жобалар жүзеге асырылатын болады.

Қазіргі уақытта Қазақстан арқылы Еуропа-Азия бағыты бойынша  контейнерлік 14 шаттл-пойыз тұрақты түрде жүріп тұрады. 2014 жылдың басында Қытай – Орталық Азия және Қытай – Еуропа бағыттары бойынша тағы 3 контейнерлік пойыз ұйымдастыру жоспарлануда.

А.Мамин екі жылда Қазақстанда жекеменшік сектордың қатысуымен көлік-логистика орталықтарының желісі толық қалыптастырылатынын мәлімдеді. Сондай-ақ, 2014 жылы солтүстік бағыттағы Ақтау теңіз портын дамыту жобасы аяқталады. 

Кездесу қорытындысында Мемлекет басшысы қаралған мәселелерге қатысты бірқатар нақты тапсырмалар берді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды