ВАК-ның қортынды отырысында ҚР-да рұқсат беру жүйесін түгендеу қортындылары қаралды

26 Қараша, 2013 17:10

Бүгін Үкімет үйінде ҚР Премьер-Министрінің бірінші орынбасары Бақытжан Сағынтаевтың төрағалығымен рұқсат беру жүйесін жетілдіру мәселелері жөніндегі ведомствоаралық комиссияның оныншы - осы жылғы қорытынды отырысы (ВАК) өтті, деп Премьер-Министрдің ресми сайты хабарлады.

«ВАК мүшелері қазақстандық бизнес өкілдерінен құралған сараптамалық топпен бірігіп ҚР рұқсат беру жүйесінің түгендеу жұмыстарының нәтижелерін талқылады», - делінген хабарламада.

Нақты аталып өткендей, түгендеу жұмыстары комиссияға Қазақстандағы кәсіпкерлерге міндетті қазіргі барлық рұқсаттарды беруді көруге мүмкіндік берді.

Жалпы ВАК-тың қорытынды жұмысы бойынша 925 рұқсат беру құжаттары қаралды, оның 51-і күшін жойып, 6-ы хабарлама беру тәртібіне ауыстырылды, 116 рұқсат беру құжаттары «Рұқсаттар мен хабарламалар туралы» заң жобасымен белгіленген рұқсаттардың белгісіне сәйкес келмегендіктен тізбеден алынып тасталды. Ол ағымдағы жылдың соңына дейін Парламентке қарауға енгізілетін болады.

"Аталған заң жобасы ВАК жұмысының негізгі қорытындысы болады. Дегенмен, Қазақстанның бірінші құқық қолдану тәжірибесінде рұқсаттардың толық тізбесі мен оларды енгізу мен күшін жоюдың бірыңғай тәртібі белгіленуде", - деп атап өтті Бақытжан Сағынтаев. Сондай-ақ, ол "заң жобасының қосымшасында 758 құжат бекітілді, оның 719-ы рұқсаттар және 39-ы хабарламалар. Заң қабылданғаннан кейін кез келген жаңа рұқсат біздің мемлекетте ВАК мақұлдағаннан кейін және заңға қосымша болып табылатын тізбеге енгізілгеннен кейін ғана пайда бола алады" деп түсіндірді.

Сонымен қатар, ҚР бірінші вице-премьері заң жобасы ВАК-тың мәртебесін оның өкілеттіктерін кеңейте отырып, тұрақты жұмыс істейтін алқалы орган ретінде бекітетінін ескертті.

Барлық жаңалықтар