ХҒМО Қазақстанда 80 млн доллардың 210 ғылыми жобасын қаржыландырды (ВИДЕО)

2 Шілде, 2016 17:53

20 жылдан астам уақыт ішінде Халықаралық ғылыми-техникалық орталық 55 млн еуроның 3 мың жобасын қаржыландырды, Қазақстанда орталық 80 млн доллардың 210 ғылыми жобасын қаржыландырды, деді ҚР-дағы Еуропалық одақ өкілдігінің баспасөз бен ақпарат, саяси істер жөніндегі бөлімінің басшысы, өкілетті министр Камен Величков «Әлем. ХХI ғасыр. Манифесі» - жаһандық дамудың жаңа парадигмасы» тақырыбындағы конференция барысында.

«Екі онжылдықта ХҒМО 3 мың жобаны 55 млн уроға қаржыландырды. Оның ішінде ЕО үлесі 270 млн еуроны құрайды», - деді ол.

Сондай-ақ, К.Величков айтып өткендей, арнайы бағдарламалар 100 млн еуроға 35 млн еуро үлесімен қаржыландырылды.

«Аталмыш жетістіктердің статистикасы 70 мың грантты қамтиды. Жобалар қоршаған орта, биотехнология, химия, ғарыш, медицина, ауыл шаруашылығы саласында қаржыландырылды», - деді ол.

Қазақстанда ХҒМО 210 ғылыми жобаны 80 млн долларға қаржыландырды. ХҒМО қолдаған жобалар Жапонияда «Фукусима» аралындағы апаттың салдарын жоюда қолданылды.

Айта кетейік, ҚР Тұңғыш Президентінің сараптама орталығы Халықаралық ғылыми-техникалық орталықпен бірлесіп «Әлем. ХХI ғасыр. Манифесі» - жаһандық дамудың жаңа парадигмасы» халықаралық конференциясын өткізді.

Индира Кауметова

Барлық жаңалықтар