Мұнай министрлігі, KAZENERGY және Кәсіподақтар федерациясы мұнай-газ саласындағы еңбек қарым-қатынастарын реттеу бойынша келісімге қол қойды
26 Қараша, 2013 16:25
Бүгін адам капиталын дамыту жөніндегі Үйлестіру кеңесінің отырысы барысында Қазақстанның Кәсіподақтар федерациясының төрағасы Әбілғазы Құсаинов, мұнай және газ вице-министрі Мағзум Мырзағалиев KAZENERGY Қауымдастығының бас директоры Әсет Мағауов үш жақты мұнай-газ компанияларындағы еңбек қарым-қатынастарын реттеу бойынша 2014-2016 жылдарға арналған салалық келісімге қол қойды, деп Премьер-Министрдің баспасөз қызметі хабарлады.
Ә.Құсаинов атап өткендей, «Келісім мұнай-газ саласындағысалалық коэффициентті еңбекақы төлеуде қолдануға, жұмыс орнының қауіпсіздігін қамтамасыз етуге, аптасына жұмыс уақыты ұзақтығының 40 сағаттан аспауына бағытталған».
Қазақстанның Кәсіподақтар федерациясы басшысының айтуынша, Келісім мұнай-газ саласындағы кәсіпорындардағы ұжымдық келісім-шарттарды жасау үшін негізгі құжат, компаниялардағы әлеуметтік тұрақтылықты қолдау тетігі, еңбекақы және өтемақы төлеу бойынша төмен салалық кепілдер орнату, оларды ҚР еңбек заңнамасына және халықаралық еңбек құқығының нормаларына сәйкес ұсыну тетігін болып табылады.
