Астанада негізгі капиталға тартылған инвестициялар көлемі 8% ұлғайды
20 Маусым, 2016 19:08
Астана қаласы статистика департаментінің мәліметінше, 2016 жылғы қаңтар-мамырда негізгі капиталға салынған инвестициялар көлемі 211 936,3 млн. теңгені құрады, бұл 2015 жылғы қаңтар-мамырмен салыстырғанда 8,2%-ға артық. Астананың республикалық көлемдегі үлесі - 9,3%, деп хабарлады қала әкімдігінің ресми сайты.
Инвестициялардың басым үлесі жекеменшік нысандағы кәсіпорындармен игерілді, бұл олардың жалпы көлемінің 78,5%-ын құрайды.
Қаржыландыру көздері бөлінісінде мемлекеттік бюджет каражаты 22,4%-ды, кәсіпорындар мен ұйымдардың меншікті қаражаты 61,7%-ды, банк кредиттері 2,3%-ды, басқа қарыз қаражаттары 13,6%-ды құрайды.
