Павлодарда ауыл шаруашылық жәрмеңкесіне ет және сүт өнімдері төмендетілген бағамен әкелінді

Облыстың ауыл шаруашылығы басқармасының ақпараты бойынша Павлодар облысының барлық аудандары мен қалаларынан сиыр етінің келісі 900 теңгеден, жылқы еті 1000 теңгеден, 1 кг қазының бағасы 1200 теңге, қой еті 900 теңгеден және шоқа еті келісіне 900 теңгеден саудаланады.

Сонымен қатар, Павлодар ауданының «Луганск» ӨК-і, Успен ауданының «РЭГТайм» ШҚ және Качир ауданының «Качир сүт зауыты» ЖШС-і әкелетін 7 мың литр сүттің бағасы литріне 100 теңгені құрайды.  

Павлодар ауданының ауыл шаруашылық құрылымдары жәрмеңкеге әкелетін картоптың бір келісі 70 теңгені, сәбіздің келісі 90 теңгені, шомырдың келісі 100 теңгені және қырыққабаттың бір келісі 50 теңгені құрайды.

Сонымен қатар, «Шарбақты Құс» ЖШС-і 36 000 дана тауық жұмыртқасын сатылымға қояды. Жәрмеңкеде өсімдік майының 1литрі 350 теңге, сары майдың бір келісі 1000 теңгені құрайды.