ШҚО-да Қоғамдық кеңес ТКШ мен спорт саласындағы мемлекеттік қызметтің регламентін қарады
17 Маусым, 2016 19:17
Шығыс Қазақстан облысында Қоғамдық кеңес отрысы болды. Онда аймақтық қоғамдық кеңес мен мемлекеттік органдардың өзара-іс қимыл мәселесі талқыланды. Сонымен қатар, тұрғын үй коммуналдық шаруашылық пен дене шынықтыру және спорт салаларындағы мемлекеттік қызмет регламентінің бекітілуі туралы нормативтік-құқықтық акт қаралды, деп хабарлайды ШҚО ақпарат орталығы.
Аймақтық қоғамдық кеңестің төрағалары мен хатшылары үшін оқыту семинары отырыстың маңызды бөлігі болды.
Еске сала кетейік, жаңа заңға сәйкес, бірқатар құжаттар Қоғамдық кеңестің қарауынсыз қабылдануы мүмкін емес. Соған орай, Қоғамдық кеңес мүшелерінің біліктілігі жоғары деңгейде болуы керек.
Осыған байланысты ШҚО-ғы Қоғамдық кеңес отырысына барлық аймақтық ҚК басшылары, билік органдары мен жергілікті өзін-өзі басқару органдарының өкілдері қатысты.
«Аталмыш отырыста біз нормативтік-құқықтық актілердің жүзеге асуын қадағалайтын аудандық қоғамдық кеңес қатысушыларын анықтадық»,-деді облыстық мәслихат депутаты Олег Чернышев.
