Қазақтың ұмыт қалған ұлттық тағамдарын жандандыру байқауы Таразда өтті

Іс-шараны Қазақстан Республикасы Президенті жанындағы әйелдер ісі және отбасылық-демографиялық саясат Ұлттық комиссиясы, Қазақстандағы БҰҰ даму бағдарламасы, «Отбасым» ұлттық құндылық орталығы және Жамбыл облысының әкімгі бірлесіп ұйымдастырды.

Байқау мақсаты: халқымыздың көне ғасырлардан келе жатқан дәстүрін сақталуы мен таралуын қамтамасыз ету. Және елдің дамуы мен гүлденуі ұлттық дәстүрлі құндылықтардың негізінде жүзеге асатынына қоғамның назарын аудару, деп хабарлады аймақ әкімдігінен.

Бірінші байқау аспасздықтан болды. Мұнда ертеректе біздің әжелеріміз дайындаған, бүгінде ұмыт қалған қазақ тағамы таныстырылды.

Тоқтының етінен жасалған сірне, аты аңызға айналған қазақ тәттісі балқаймақ, құймақ, жент, ірімшік, қазы, жал-жая, және тағы басқа да тағамдарды конкурсқа қатысушы түрлі ұйым аспаздары дайындады.

Байқауға облыстық іріктеу турларынан жеңімпаз болып өткендер қатысты. «Дәмді тағам» байқауынан кейін дизайнерлердің авторлық коллекциялары бойынша байқау жалғасты. «Нео-фольклор» деп аталатын байқауда қазақтың көне киімдері көрсетілді. Ал, заманауи киімдер ұлттық үлгіде әшекеленген элементтермен көрсетілді.

Республикалық байқау жеңімпаздарына дипломдар мен бағалы сыйлықтар тапсырылды. Енді олар өз қолдарымен жасаған бұйымдарын ЭКСПО-2017 халықаралық мамандандырылған көрмеге шығаратын болады.