«Нұрлы жол» бағдарламасы бойынша Қостанай облысында 2016 жылы 56% қаржы меңгерілді (БЕЙНЕ)

«Сарапшы комиссия мүшелерімен ашықтықты қамтамасыз ету, бюджеттік қаражатты тиімді пайдалану бойынша бірқатар ескертулер айтылды. Айта кететін жайт, бюджеттік қаражаттың шығыны, мемлекеттік сатып алу рәсімі, жасалған келісімшарт бойынша жеткізушілердің өз жұмыстарын уақытылы орындауы  бойынша әрдайым бақылау жүргізіп отырамыз»,-деді ол.

Оның айтуы бойынша, «Нұрлы жол» бағдарламасы аясында ҚР Ұлттық қорынан облыс үшін 5 млрд 228 млн теңге бөлінген, оның 99,2 пайызы меңгерілген. 2016 жылы 27 жобаны іске асыру үшін бағдарлама бойынша 8 млрд 973 млн теңге қарастырылған.

«Жергілікті бюджеттен 464 млн теңгені қаржыландырдық. Бірінші жартыжылдығында бюджеттің орындалу пайызы жылдық жоспардың 56% құрады»,-деді ол.  

Облыс әкімі облыстың ауа райының ерекшеліктерін ескере отырып, 9 млрд теңгенің 50 пайызы тұрғын үй коммуналдық шаруашылығына жіберілгендігін айтты.

«Біз солтүстік аймақ болғанымызды ескере келе, жылу беру мезгілі ұзақ жүреді – 214 тәулік, 9 млрд теңгенің жартысы тұрғын үй коммуналдық шаруашылығының жөндеу жқмысына  және 25 пайызы инженерлік-коммуникациялық инфрақұрылымның құрылысына жұмылдырылады»,-деді ол.

Анар Тәңірқұлова

Бейне:Азамат Әлиев