2016 жылы Өзбек этномәдени орталығы жексенбілік мектеп ашуды жоспарлауда (БЕЙНЕ)
16 Маусым, 2016 19:48
2016 жылы Өзбек этномәдени орталығы жексенбілік мектеп ашуды жоспарлауда, ол жастарды салт-дәстүрге, өзбек тіліне үйретеді, деді Астана қалалық Өзбек этномәдени орталығы төрағасының орынбасары Хасан Шәріпов Strategy2050.kz. АА берген сұхбатында.
«Біздің этноорталықта ансамбль бар, оған 7 жігіт пен би тобы кіреді, би тобына 10 адам енеді, жастар қанатында 20-25 адам жаттығады. Осы жылы жексенбілік мектепті ашуды жоспарлап отырмыз. Онда жастарды салт-дәстүрге, өзбек тіліне үйретеді», - деді Х.Шәріпов.
Х.Шәріпов айтып өткендей, 2016 жыл Қазақстан үшін мерейлік жыл болып отыр.
«Біздің тәуелсіздігімізге 25 жыл толады. Осы жылы этномәдени орталықтармен атқаратын жұмысымыз өте көп. Біз қайырымдылық акцияларын жасаймыз, алдымызда қызықты әрі күрделі жұмыс тұр», - деді ол.
Индира Кауметова
