ҚР-да жол ақысын электронды әдіспен төлеуді жүргізушілердің 20 пайызы қолданады
16 Маусым, 2016 16:32
Қазақстанда жол ақысын электронды әдіспен төлеуді жүргізушілердің 20 пайызы қолданады. Бұл туралы Парламент Сенатының автожолдар құрылысына арналған дөңгелек үстелі барысында «ҚазАвтоЖол» ҰК» АҚ басқарма төрағасы Ермек Қизатов мәлімдеді.
Е. Қизатов айтып өткендей, 2013 жылы Астана-Щучье автобаны ақылы болды. Оның айтуынша, жыл сайынғы орташа табыс 1,1 млрд теңгені құрады.
«Қалыптасқан жұмыс жүйесін қамтамасыз ету мақсатында бірқатар шаралар жүргізілуде. Біз өз күшімізбен тоқтаусыз жолақысын енгізіп, төлемнің жабылу жүйесін кеңейттік. Қазақстанда жол ақысын электронды әдіспен төлеуді жүргізушілердің 20 пайызы қолданады», - деді спикер.
