Л.Ибрагимова: «Бәйтерек» холдингінің таза табысы 2015 жылы 49 млрд теңгені құрады

 ««Қазақстандық кәсіпорындардың инвестициялық мақсаттарына бағытталған әрбір 3-ші теңге – «Бәйтерек» холдингінің қаражаты. 2015 жылдың қорытындылары бойынша барлық қазақстандық кәсіпорындардың негізгі капиталына инвестициялар қаржыландыруда Холдингтің үлесі 31 %-ды құрады», -  бұл туралы ҚР Парламенті Мәжілісінің Қаржы және бюджет комитеті отырысында «Бәйтерек» ҰБХ» АҚ Басқарма Төрағасының орынбасары Ләззат Ибрагимова мәлімдеді.

 Банктер 2015 жылы шағын және орта бизнеске берген кредиттердің 41 % – «Бәйтерек» холдингінің қаражаты. 

Айта кетейік, құрылымына 11 еншілес ұйым кіретін Холдинг басты мемлекеттік бағдарламалардың негізгі қатысушылардың бірі болып табылады. Индустриялық-инновациялық дамудың 2015 – 2019 жылдарға арналған мемлекеттік бағдарламасын іске асыру шеңберінде Холдинг еліміздің экономикасын әртараптандыруға үлес қосады.

Өңірлерді дамытудың 2020 жылға дейінгі бағдарламасына қатысу шеңберінде тұрғын үйдің қолжетімділігін арттыру жөніндегі міндет шешімін табуда. ШОБ-ты дамытуды қолдау Холдингтің «Бизнестің жол картасы – 2020» бизнесті қолдау мен дамытудың бірыңғай бағдарламасына қатысуы арқылы жүзеге асырылады.

Ботагөз Айтжанова