Қазақстан кәсіпкерлерінің жемқорлыққа қарсы іс-әрекет хартиясы «Атамекен» ҰКП-ң съезінде қабылданды

Съезде ҚР Президентінің іскерлік ортаны сыбайлас жемқорлыққа қарсы саясатын қолдау құжаты ретінде Қазақстан кәсіпкерлерінің жемқорлыққа қарсы іс-әрекет хартиясы таныстырылды.

«Хартия отандық бизнеске жемқорлыққа қарсы іс-әрекет тиімді тетігін енгізу ерікті міндетінен басталып, алдыңғы қатарлы халықаралық тәжірибеге негізделген. Хартия декларациялық құжат емес. Бастысы әлеуметтік-құқықтық саяси тұрғыда іскерлік ортаға қолдау көрсетіп, Президенттің сыбайлас жемқорлыққа қарсы саясатын іс-әрекетпен жүзеге асыруға дайындығын білдіреді»,-деді ҚР ҰКП Басқарма Төрағасының кеңесшісі Қайырбек Сүлейменов.

Сонымен қатар, Хартия мүшелері кәсіпкерлік қызметті жүргізу барысында заң нормаларын сақтауда өзіне үлкен жауапкершілікті алатын болады.

Айта кету керек, Хартия кәсіпкерлік қоғамдастықтағы барлық субъектілерін ашық және тұрғылықты жеріне, тіркеуде тұрғанына немесе қызмет саласына қарамайды.

«Хартияны енгізу Қазақстан кәсіпкерлері қызметінде азаматтық қоғамдастықпен күш біріктіруге мүмкіндік береді және мемлекеттің экономикалық реформаны сәтті жүзеге асыруна ықпал ететінін сеніммен айтып өткім келеді»,-деді Қ.Сүлейменов.

Индира Қауметова