• Главная
  • Қарағанды облысында өтетін «Алтын үкі» жарысында жеңіс үшін әлемнің 7 елінің мергендері сайысқа түседі
16 июня, 2016 20:41

Қарағанды облысында өтетін «Алтын үкі» жарысында жеңіс үшін әлемнің 7 елінің мергендері сайысқа түседі

2016 жылғы маусымның 20-сы мен 24-і аралығында Қарағанды облысына қарасты «Спасск» оқу-жаттығу орталығының базасында «Алтын үкі – 2016» VIII халықаралық мергендік жұптар жарысы өтеді, деп хабарлады Қорғаныс министрлігінің баспасөз қызметі.
Қарағанды облысында өтетін «Алтын үкі» жарысында жеңіс үшін әлемнің 7 елінің мергендері сайысқа түседі

Жарысқа әлемнің 7 елінен 19 команда қатысады. Олар – Қытай, Америка Құрама Штаттары, Ресей Федерациясы, Белорусь Республикасы, Ұлыбритания, Пәкістан, сондай-ақ Қазақстан Республикасының күштік ведомствалары. Аталған жарысты Түркия мен Үндістан елдерінің өкілдері бақылайтын болады.

Биылғы жылғы мергендік жұптар сайысының басты ерекшелігі барлық қатысушылардың өз қаруларымен келетіндігінде болып отыр. Дәлдеп атудың шеберлері 5 күн бойы түрлі қашықтыққа жылдам атудан, бүркемелену машықтары мен ойлы-қырлы жерлерді бағдарлаудан үздік атақ үшін күресетін болады. Естеріңізге сала кетсек, өткен жылы «Алтын үкі – 2015» жарысында Қазақстанның арнайы мақсаттағы бөлімшелері жеңімпаз атанып, алтын кубокты иеленді. Әр кезең жоғары деңгейдегі төзімділікті, күш-жігерді, сапалы командалық жұмыс пен әр қатысушының жақсы даярлығын талап етеді.