ШҚО Бородулиха ауданында 22 жоба ЖҚЖК аясында мемлекеттік қолдауға ие болды

ШҚО Бородулиха ауданының кәсіпкерлеріне мемлекеттік қолдауды жеткізу үшін «Жұмыспен қамту жол картасы - 2020» бағдарламасының екінші бағытын жүзеге асыру аясында 22 бизнес жоба таңдалынып алынды, деп хабарлады аудан әкімі Григорий Акулов аймақтық коммуникация қызметінде.

«Жұмыспен қамту жол картасы халықтың тұрмысын жақсартуға бағытталған. Кәсіпкерлікті дамытуды қолдау аясында бинес ашуға және кеңейтуге шағын несиелер берілетін болады»,-деп атап өтті Бородулиха аудынының әкімі.

Ақпарат орталығының мәліметі бойынша, кәсіпкерлік бастаманы ынталандыру үшін және тірек ауылдарды кешенді дамыту мақсатында 2016-шы жылы 55 млн. теңге бөлінді. Жеке ісін ашамын деушілер мен бизнесін кеңейтуге ниетті 22 бизнес жоба іріктеліп алынды. Олардың басым көпшілігі мал шаруашылығын дамыту бағытын таңдағандар. Сонымен қатар, шеберхана, нан өнімдерін дайындайтын, газоблоктар дайындайтын, жем, пластикалық терезе, мал сою алаңын және көлік жөндейтін орталықтар ашуға ниеттілер де бар.

Сондай-ақ, «Инфроқұрылым мен тұрғын үй коммуналдық шаруашылығын дамытуды қамтамасыз ету» мемлекеттік бағдарламасының бірінші бағыты аясында Бородулиха ауданында денсаулық сақтаау мен білім беру салаларында 11 жоба бойынша жөндеу жұмыстарын жүргізу жоспарлануда.