А.Мырзахметов: 2,5 жыл ішінде ҚР ҰКП-ның диалог алаңы қалыптаст (ВИДЕО)

16 Маусым, 2016 11:09

ҚР ҰКП-ның бизнес-ахуалды жақсарту және кәсіпкерлерді қолдау бойынша диалог алаңы 2,5 жыл ішінде қалыптасты, деп «Атамакен» ҚР Ұлттық кәсіпкерлер палатасының төрағасы Абылай Мырзахметов Астанада өтіп жатқан «Атамекен» ҚР ҰКП-ның III съезі барысында мәлім етті.

«Бүгінгі күні ҰКП барлық аумақты, оған қоса аудандық деңгейді, моноқалалар мен шағын қалаларды қамтиды. Аймақтарда біздің барлық палата жұмыс атқарады. Өткен жылдан бастап әрбір аудан орталығында, моноқалаларда кәсіпкерлерді қолдау орталығы қызметін бастады. Ұлттық палата барлық аймақта таныстырылды және кәсіпкерлерді қолдау үшін толық инфрақұрылымға ие»,-деді ол.

Осылайша, Палата басшысы айтып өткендей, 2,5 жыл ішінде ҚР ҰКП-ның диалог алаңы қалыптасты.

«Біздің палата алдында тұрған басты тапсырмамыз-бұл өкімет пен кәсіпкер арасындағы диалог және бүгінгі күні 2,5 жыл ішінде диалог алаңы қалыптасты деп айтуға болады. Диалог алаңы бизнес –ахуалды жақсартуға және кәсіпкерлерді қалыптасу кезінде қолдау үшін жұмыс жасайды»,-деді А.Мырзахметов.

Айта кетейік, бүгін Астана қаласында «Атамекен» ҚР Ұлттық кәсіпкерлер палатасының III съезі өтуде.

Индира Қауметова

Видео: Азамат Әлиев