Жыл соңына дейін Қазақстанда бірінші дәрежелі 3 жаңа автомагистраль дайын болады
16 Маусым, 2016 09:38
Жыл соңына дейін Қазақстанда бірінші дәрежелі 3 жаңа автомагистраль дайын болады. Бұл туралы ҚР Инвесиция және даму министрлігінің автомобиль жолдары Комитетінің төрағасы Сайранбек Бармақов ҚР-ң автожолдарын ақылы қылу мәселелері бойынша өткен дөңгелек үстел отырысы барысында хабарлады.
«Бірінші кезекте Астана-Теміртау жолын іске қосамыз, Алматы-Талдықорған және Алматы-Қорғас бағыттарын толық аяқтаймыз. Жолдарды қолданысқа енгізу осы жылдың қараша-желтоқсан айларына жоспарланып отыр. Яғни, аталмыш үш тас жолды да жылдың соңында пайдалануға береміз»,-деп хабарлады С.Бармақов.
Бұл автомагистральдар бірінші дәрежелі жолға сәйкес келеді және төрт жолақты болады. Кейбір жерлерде алты жолақты болып келеді.
Еске сала кетейік, 2020-шы жылға дейін Қазақстан 7 мың шақырым автомобиль жолын ақылы етуді жоспарлап отыр.
