2016-шы жылы ҚР-да 2,76 млн. тонна бензин шығарылатын болады

15 Маусым, 2016 15:49

2016-шы жылы жұмыс істеп тұрған мұнай өңдеу зауттарынан 2,76 млн. тонна бензин шығару жоспарлануда, деп хабарлады Энергетика министрлігіндегі Сенат депутаттарының көшпелі отырысында энергетика вице-министрі Әсет Мағауов.

«Өткен жылы біз 14,9 млн. тонна өңдеген едік, бірақ бұл көрсеткіш төмен болды. Оған себеп бір фактор рубльдің девальвациясы. Осыған байланысты ресейлік көптеген мұнай өнімдер біздің нарыққа кіріп кетті. Биыл да 14 млн. тонна өңдеу жоспарланып отыр»,-деп көрсетті өз есебінде вице-министр.

А.Мағауов мұнай өнімдерінің нарықтағы тұрақты жағдайларын атап өтті. Оның айтуынша, Қазақстан балансына сәйкес Ресейден 1,2-1,3 млн. тонна бензин импорттайды. 400-500 мың тонна дизельдік отын жылына импортталады. Сондықтан, ағымдағы өңдеу ішкі нарықтың қажеттілігін қамтамасыз етуге жеткілікті.

«Биыл біз 2,76 млн. тонна бензин шығаруды жоспарлап отырмыз. Қазіргі таңда жоғары актанды бензиннің үлесі артып келеді. АИ-80-ге ақарағнда АИ-92 маркалы бензинді көптеп шығаруды бастаймыз»,-деді вице-министр.

Барлық жаңалықтар