2018 жылы Қазақстанда отын тапшылығы профицитпен ауыстырылады - РФ сарапшысы

«Қазіргі үш МӨЗ-дің жаңартылғанынан кейін және жаңа қондырғылардың өнеркәсіптік әлеуетке шығуы, отын тапшылығы 2018 жылы профицитпен ауысады. Сонымен қатар профицит маңызды болады – бензин бойынша – 2 млон тоннаға дейін, дизель бойынша – 1,5 млн тоннаға дейін және керосин бойынша – 400 мың тонна. Бұл үлкен профицит, әрине,  егер экономикалық өсімге қатысты осындай салыстырмалы төменгі негізгі алғышарттарға сүйенетін болсақ, онда бұл профицит 2030 жылға дейін сақталатын болады»,-деді «Петромаркет» ресейлік зерттеу компаниясының ғылыми-зерттеу жобаларының директоры Иван Хомутов.

Осыған орай, сарапшы өз сөзінде алдағы 15 жылда төртінші мұнай өңдеу зауытының құрылысының мағынасы жоқ екендігін айтып өтті.

Шетелдік сарапшының ойын ҚР энергетика министрлігі қолдады.

«Шын мәнісінде үш МӨЗ ішкі нарықты 100 пайызға қамтамасыз ете алады. Жаңғыртудан кейін біз импортқа тәуелділіктен құтыламыз және өз өзімізді қамтамасыз ете аламыз. Төртінші МӨЗ мәселесі одан әрі өсу аясында қаралады. МӨЗ құрылысы – ұзақ процесс, болашақта оның қолданысы өсетін болады ,  әрине, бұл мәселенің де шешімін жасау керек. Төртінші МӨЗ мәселесі бойынша қазіргі күні кідіріс алдық, алайда осы мәселеге әлі де келеміз»,-деді М.Мырзағалиев.

Екінші жағынан, вице-министр экспорттық үміттің дамуы туралы әңгімеледі және қазақстандық мұнай өнімдеріне Қырғызстан, Тәжікстан және Ауғанстан елдерінің мүдделі екендіктерін айтып өтті.