В.Соколовски: ЭКСПО-2017 көрмесіне дайындық лайықты деңгейде жүріп жатыр

«Мен астананы танымай қалдым. Қала құрылысы қарқынды түрде жүріп жатыр. ЭКСПО-2017 көрмесіне дайындық та өте күшті. Шығыны да аз емес. Сондықтан, аталмыш көрмені жоғары деңгейде өткізу өте маңызды. Қазақстан бұл міндетті ойдағыдай атқарады, деп ойлаймын»,-деді В.Соколовски.

Оның ойынша, ЭКСПО-2017 халықаралық мамандандырылған көрме жаңа Қазақстанды әлемге көрсетуге мүмкіндік береді. Көрмеге әлемнің төрт бұрышыннан келіп қатысатындар өте көп.

«Сіздердің мәдениеттеріңіз, сіздердің тарихтарыңыз әлемге танылатын болады, ЭКСПО-2017 бұл орайда Қазақстан үшін жарқын жарнама үлгісіне айналайын деп тұр»,-деп атап өтті В.Соколовски.

Осы орайда шетелдік сарапшы көрмеге дайындық лайықты деңгейде жүргізілуде, деп атап өтті.

«ЭКСПО-2017 павильоны керемет. Сондықтан, барлықтарыңыз билет алып, көрмеге барыңыздар, деген кеңес берер едім. Онда түрлі елдердің мәдениеті таныстырылады – бұл өз кезегінде бір күнде бүкіл әлемді аралап шыққан бірдей болады. Әр келуші ұмытылмайтын, есте қалатындай әсерде болатыны сөзсіз»,-деді ол.

Индира Қауметова