• Басты
  • Астанада мемлекет және діни бірлестіктердің өзара әрекеттестігі бойынша конференция өтті
26 Қараша, 2013 10:44

Астанада мемлекет және діни бірлестіктердің өзара әрекеттестігі бойынша конференция өтті

Кеше, 25 қарашада Астана қаласында ҚР ДІА «Дін мәселелері жөніндегі ғылыми-зерттеу және талдау орталығы» РММ «Мемлекет және діни бірлестіктер: өзара әрекеттестіктің проблемалары және перспективалары» тақырыбында республикалық ғылыми-тәжірибелік конференция болып өтті, деп Дін істері жөніндегі агенттіктің баспасөз қызметі хабарлады.
Астанада мемлекет және діни бірлестіктердің өзара әрекеттестігі бойынша конференция өтті | Strategy2050.kz

Аталмыш іс-шараға танымал сарапшылар, мемлекеттік органдардың, жоғарғы оқу орындарының, зерттеу орталықтарының, діни бірлестіктер мен үкіметтік емес ұйымдардың өкілдері қатысты.

«Конференцияның мақсаты Қазақстандағы мемлекет пен діни бірлестіктердің арасындағы қарым-қатынастардың көкейкесті тұстарын талқылау, сонымен қатар зайырлылық пен діншілдік арасындағы ұзақ мерзімдік тепе-теңдікті одан әрі сақтау мен дамытудың жолдарын қарастыру болды», - делінген хабарламада.

Конференция жұмысын Орталықтың директоры Г.Е. Шлымованың кіріспе сөзімен бастады. Ол өз сөзінде мемлекеттік-конфессиялық қатынастардың қазақстандық моделін жетілдіруге бағытталған аталмыш іс-шараның маңыздылығын атап өтті.

Конференцияның жалпы отырысында Қазақстандағы діни бірлестіктер қызметі құқықтық негіздерінің жағдайы және даму келешегі қарастырылды. ДІА Конфессияаралық қатынастар департаментінің директоры Б.К. Күлекеевтің баяндамасында Қазақстандағы мемлекеттік-конфессионалдық қатынастың өткір мәселелері қарастырылуымен қоса, олардың даму перспективасы да берілді.  ҚР БҒМ Ғылым комитетінің Философия, саясаттану және дінтану институтының бас ғылыми қызметкері, ф.ғ.д., профессор А.Г. Косиченконың сөзінде Қазақстан Республикасының дін саласындағы мемлекеттік саясаты тиімділігін арттыру үшін зайырлылық принципін нақтылау қажеттігіне баса назар аударылды.  

 «ҚР діни бірлестіктер қызметінің құқықтық негіздері: қазіргі жағдайы мен даму перспективасы» деген екінші секцияның жұмысына терроризм мен экстремизмге қарсы әрекет етудің жалпымемлекеттік жүйесіндегі Қазақстан құқық қорғау органдарының рөлі, діни экстремизмнің алдын алудағы аймақтық Дін істері басқармасының жұмысы сияқты мәселелер арқау болды. Діни бірлестіктерді бір жүйеге салу мәселесі мен қазақстандық қоғамды модернизациялау процессіндегі рухани құндылықтардың рөлі де сөз етілді.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды