2015 жылы Қазақстанда 3 мыңнан астам есірткі қылмысы анықталды-ҚР ІІМ
14 Маусым, 2016 12:18
Өткен жылы Қазақстанда 3 мыңнан астам есірткі қылмысы анықталды. Бұл туралы Қазақстан Республикасы ішкі істер министрі Қалмұханбет Қасымов халықпен есептік кездесу барысында мәлім етті.
«Өткен жылы ғана 3 мыңнан астам есірткі қылмысы анықталды, оның ішінде 2000-ы фактілерді өткізу, заңсыз айналымынан есірткі заттарының 35 тоннасы тәркіленді, оның ішінде 140 кг героин»,-деді министр.
Министрдің айтуы бойынша, Қазақстан Республикасында ұйымдасқан қылмысқа қарсы күрес және діни экстремизм, терроризм және басқа да ауыр қылмыстармен іске асырылатын жағдайлар басым бағыт болып келеді.
Индира Қауметова
