Қазақстан елшісі Дэн Сяопиннің қызымен кездесті

13 Маусым, 2016 19:24

ҚР-ң ҚХР-ғы елшісі Шахрат Нұрышев ҚХР-ң белгілі саяси қайраткері Дэн Сяопиннің қызы Дэн Жунмен кездесу өткізді. Ол қазіргі таңда Қытай халық республикасының шет елдермен достық қоғамдастығы төрағасының орынбасары.

Кездесу барысында Қытай мен Қазақстан арасындағы саяси, экономикалық, мәдени-гуманитарлық ынтымақтастықтың перспективалары жайында пікір алмасылды, деп хабарлайды ҚР СІМ-і.

Дэн Жун екі елдің жан-жақтылы стратегиялық серіктестік қарым-қатынас деңгейін жоғары бағалады. Ол Қазақстан Президентінің жоғары абройы Қытай халқы арасында да белгілі екенін атап өтті.

«Қытайдағы әр үй, әр отбасы Нұрсұлтан Назарбаевты біледі. Өйткені ол Қазақстанның экономикалық гүлденуі мен саяси тұрақтылығын сақтап, өз ел халқының жағдайын жақсарту жолында аянбай еңбек етіп келеді»,-деді ол.

Ш.Нұрышев «100 нақты қадам» Ұлт жоспары сияқты сяси һәм экономикалық реформалардың жүріп жатқанын айтып, Дэн Жунды «ЭКСПО-2017» көрмесіне қатысуға шақырды.

Елші оған арнайы уақыт тауып, сұхбат ұйымдастырғаны үшін алғыс білдіріп, келесі жылға шақырды.

Кездесу қортындысы бойынша Қытайдың шет елдермен достық қоғамдастығымен байланысты нығайтып, екі ел арасында дипломатиялық қарым-қатынастың орнағанына 25 жыл толуына орай бірлескен іс-шаралар өткізу келісіміне қол жеткізілді.

Барлық жаңалықтар