«БЖК-2020» аясында Павлодар зауытындағы қондырғылар жаңғыртылды
26 Қараша, 2013 09:38
«Гофроыдыс зауыты» павлодарлық кәсіпкерлігінде «Бизнестің жол картасы-2020» бағдарламасын жүзеге асыру аясында қондырғылар жаңғыртылып, өндірістік цех пен қоймаларға жөндеу жұмыстары жүргізілді, деп хабарлайды облыс әкімдігінің баспасөз қызметі.
«Жобаның жалпы құны 205 млн теңгеден асады. Соның ішінде 145,9 млн теңге қарыға алынса, 59,1 млн теңгесі өз қаражаты», - делінген хабарламада.
Жоба аясында жаңа қондырғылар алынып, атап айтар болсақ, олардың ішінде жабыстыру машиналары, екі қабатты гофрокартон шығаратын аппарат, автоматты жабыстыру мен автоматты буып-түю қондырғысы бар.
Сонымен қатар, өндірістік және қойма нысандары 2,5 есеге дейін ұлғайды.
Айта кету керек, 2014 жылы кәсіпкерліктің басшылығы өндіріс көлемін 30-35 пайызға дейін көтеруді жоспарлап отыр.
