Қазақстанда тәуелсіздік жылдарында қызамықпен сырқаттану көрсеткіші 879 еседен астам азайды

1991 жылы қызамықпен сырқаттанудың 17593 жағдайы тіркелсе (сырқаттану көрсеткіші 100 мың тұрғынға шаққанда 104,68 жағдай), 2015 жылы 2 жағдай тіркелген (сырқаттану көрсеткіші 100 мың тұрғынға шаққанда 0,01 жағдай).

"Қызамық – ауру адаммен тығыз қатынаста болғанда ауа-тамшылы жолмен жұғатын респираторлық вирусты жіті инфекция. Жүкті әйелдер үшін қызамық ауруы өте қауіпті. Себебі, құрсақтағы нәресте 85%-ға дейін ауыр зақымдануы мүмкін", - делінген хабарламада. 

Сонымен қатар, дамудың ауытқушылық үштігі түріндегі (жүректің қолқалық кемістігі, катаракта, саңыраулық) туа біткен қызамық синдромы туындайды. Орталық жүйке жүйесінің, микрофтальмгения, гемморагиялық синдром (тромбоцитопения нәтижесінде), зәр шығару және ас қорыту жүйелері дамуының кемістігі мен қаңқаның зақымдануы да аз кездеспейді.