ҚР Президенті Назарбаев Университетінің үздік студенттеріне диплом табыстады

«Өткен жылы мен Назарбаев Университетінің алғышқы түлектеріне диплом тапсырған едім. Бүгін олардың еңбектері мен нәтижелерін мақтан тұтамыз. Олар өз істерінің нағыз кәсібилері болды. Қазір қазақстандық және шетелдік жетекші компанияларда жұмыс істейді»,-деді Н.Назарбаев.

Мемлекет басшысы университеттің мамандарды тек Қазақстан үшін емес, басқа да көптеген елдер үшін дайындайтынын атап өтті. Бұл биохимия мен ядролық инженерия, робототехника, мехатроника. Университетте Қазақстанға барлық әлемнен шақырылған ең мықты оқытушылар жұмыс істейтінін де айтып өтті.

Мемлекет басшысы түлектерге диплом тапсырып тұрып, оларға болашақта үлкен жетістіктер тіледі және ешқашан оқуды тоқтатпауға, жаңалықтар ашуға кеңес берді.

Еске сала кетейік, Назарбаев Университетінде студенттердің екінші легін түлету салтанатты шарасы өтіп жатыр. Биыл бұл ЖОО-ы 622 студентті түлетіп отыр, олардың 444-і бакалавриат бағдарламасы бойынша және 178 студент магистратура бағдарламасы бойынша тәмімдап отыр.

Индира Қауметова